Kya aapke Bachhe Shant rahker Padhai karte hain?

Har parents yeh chahte hain ki unka bachha sabse best ho. Lekin, aisa bahut kam dekhane ko milata hai, kyon ki jaise-jaise bachche bade hote jaate hain vaise-vaise vah shararti hoti jati hain. Khaas Kar yadi bachche ki padhai ki baat karen vah bhi shaanti se to yeh bilkul bhee possible nahin hai. Shayad yahi karan hai ki parents bachchon ke behavior aur paraphormens se khush nahin hote hain, aur baat-baat par bachchon par chillana shuru kar dete hain.

Halanki, parents chahe to bakhubi apne bachhon ko handlel kar sakti hain. Isake liye sabse zaroori cheezen yah hai ki aap vajah jaane ki koshish karen ki vah padhane se kyon bach raha hai? Iske peechhe kayi vajahen ho sakti hain, jaise ki uska IQ level kam ho sakata hai, use cheezen samajh mein nahin aa rahee hon ya phir uska dhyaan kaheen aur ho.

Yahaan kuchh aise tarike hain jis ke jariye aapke bachche shaanti se padhayi kar sakate hain, jo niche diye ja rahe hain-

  • Padhayi mein khud ko shamil karein- Agar aap chahti hai ki aapka bachha shaant raha kar achchhe se padhayi kare to uske liye aap khud ko padhai mein shamil karen. Usase poochhen ki aaj class mein kya hua, kya tum seekhe ho, ye saari cheezen tum mujhe sikhao kyonki, ye cheezen tujhe achchi tarah aatee hain. Aisa karne se vah khush hokar aap ko sikhaye aur sath hee sath khud bhi seekhega.
  • Chhutti discuss karen- Yadi aapka bachcha school jaane lage to uske saath baithakar discuss karen ki kitane din school jaana hai, kitni der padhayi karne hai, kab khelana hai aadi. Aisa karne se bachche ko clear hoga ki use kitne der tak padhai karni hai. Jisse ki utni der vah man lagakar padhayi karega.
  • Shaanti se samajhayen- Agar bachche shaanti se padhayi nahi kar rahe hain, to aise mein koee bhee baat pyaar se samjhaye. Gusse ya jabardasti mein samajhane kee galatee na karein kyonki, isse bachcha ziddi ho sakata hai.
  • Jabardasti padhane ke liye na kahein- Jis waqt aapka bachcha nahin padhana chahta hai, us waqt use padhane ke liye majboor na karen, varana woh ziddi aur badmash sakata hai ho. Use pyaar se thodee der baad padhane ke liye kahin.
  • Friends ke saath padhayen- Kabhi-kabhi uske friends ko ghar par bulayaen aur un dono ko sath padhane bithayen. Aisa karne se bachche ka padhayi mein man lagega.
  • Gift ya inaam den- Apne bachche se kahen ki yadi vah shaanti se itni der baith kar padhai karata hai, to aap use usaka pasandeeda gift dengee. Aisa karne se bachche ko protsahan milega. Lekin dhyaan rahen aap ise aadat na banaane den. Varana bachcha sirf gift paane ke liye aap ki baat manega.

Halanki, parents pyar aur sujhbujh ke jariye apne bachhon ko achhe se handel kar sakte hain, kyonki bachhe bhi pyar ki bhasha jante hain.

 

loader