Apne Bachhe ka Unique Naam Rakhane ke 5 Aasan Tips

Published On  July 11, 2016 By

Parents apne bachhe ka naam rakhane ko lekar hamesha duvidha mein rehte hain. Unaki koshish yah hoti hai ki apne bachche ka naam sabse alag aur hatakar rakhen. Kyonki, vah chahte hain ki unke bachche ka naam sabse unique ho, aise mein kuch log to apne bachchon ke naam apne dharm se alag bhi rakhane lage hain.

Halanki, parents ko apne bachche ka naamkaran karte waqt kuch baaton ka dhyan rakhna bahut jaroori hota hai. Bachche ka naam hamesha apne reeti-rivaajon ke saath aur grah-nakshatra ko dhyaan mein rakh kar karana chahiye. Aise mein neeche diye ja rahe in raqeebon ke jarie aap apne bachche ka naam sabse alag rakh sakate hain, jinamein nimn shaamil hain-

  • Logon ki salah len- Apne bachche ka naam rakhane se pahale apne ghar walon ki jaroor raay len. Kyonki, yadi ek baar naam rakh diya to poori zindagi vah usee naam se jaana jaata hai. Isalie bachche ka naam jaldabaajee mein rakhane ke bajaye any logon se jaroor salaah len. Yadi aapko koi achcha naam nahin mil raha hai to apne pariwar walon, doston, rishtedaro se is baare mein salaah le sakate hain. Ho sakata hai inke paas aisa naam ho jo aapke bachche ke lie yoonik ho.

  • Social networking- Social sait ne logon ke kaam ko aasan bana diya hai, kyonki, yahan par aap ko kayi aise naam mil sakate hain jo ekdam hat ke ho sakate hain. Jis Ke zariye aap apne bachche ke liye sabse achchha aur unique naam rakh sakate hain.

  • Logon ke naam par rakhen- Jaroori nahi ki aap apne bachche ka naam hat kar rakhen, balki aap apne bachche ka naam un logon ke naam par rakh sakate hain, jinaka duniya mein naam ho. Isake alava yadi aap apni purani yaadon ko dohrana chahate hain aur apne poorvajon ko apne paas anubhav karana chahate hai to apne bachche ka naam unake naam par bhi rakh sakate hain.

  • Trendi naam rakhen- Bachhe ka naam aisa rakhen jo ghar aur bahar dono hee jagah par prachalit ho. Prachalit naam rakhane se vah logon kee jubaan par aasani se chadh jaata hai. Prachalit naam aapke bachche ko doosron ke saamne bhee prachalit kar sakata hai.

  • Chote aur aasaan naam rakhen- Apne bachche ka naam rakhate samay is baat ka bhi jaroor dhyan rakhen, ki unake naam chhote aur aasaan hon. Taaki, log use aasani se yaad rakh saken, aur sunane mein bhi achchha lage. Kyon Ki, is tarah ke naam bahut hee aasaan hoti hain aur logon ko jaldi yaad bhee ho jaate hain.

  • Grah aur rashiphal ka rakhen dhyan- Apne bachche ka naam rakhate samay grah nakshatra aur usaki rashiphal ka bhi hamesha dhyan rakhen. Kyonki, yadi aap dharm aur maanyataon ko maanen to aise naam unake liye bhagyashali ho sakate hain.

Aise men, apne bachhon ka naam aise rakhen jis per unhe garw ho, na ki unka majak udaya jaye. Kyonki, logon ki pahchan uske naam aur kam se hota hai.